Love break (Episode - 2)

Anshuman Kiara ke parents ko station drop karke ata hai,Dono thodi der padhai karte hai.

Lagbhag 8 baje ke paas kiara Pizza order karti hai.dono pizza khate hai or sochte hai horror movie dekhi jaye.

Anshuman Annabelle(Hollywood) movie lagata hai,

Kiara already dari hui hoti hai utne me vo dekhti hai sofe par vo akeli hi baithi hai.Vo thoda dar jati hai😰😰.

Vo anshuman ko awaj lagati hai par usko kuch revert nahi milta

Vo kitchen ki taraf jaati hai aur kisi chij se takrake girane hi vali hoti hai utne me anshuman use sambhal leta hai.

Dono ek dusre ke ankho me kho jaate hai,saanse tham jaati hai,unhone kabhi ekdusre ke liye aisa mahsoos nahi kiya..Ashuman kiara ke aur najdik aata hai.par wakt rahte hi dono sambhal jate hai.aur khana kha ke kiara apne bedroom me sone jaati hai aur anshuman guest room me sota hai.

Dono hi raat bhar thikse so nahi paate usi pal ke baare me sochte hai jo unko karib le aya.Unki final exams hoti hai to filhal vo studies me concentrate karte hai.Exams khatam ho jati hai.Results bhi aate hai..Anshuman ka Aur kiara ka intern shuru honewala hota hai..

Anshuman ko dusre state me intern ke liye opportunity milti hai.Anshuman ki flight Saturday ko hoti hai aur Friday night ko anshuman kiara ko dinner par bahar chalne kahta hai..

Kiara bhi ready hoke tay kiye hue restaurant me chali jaati hai.

Vaha dinner karte hai,fir beach ke yaha chale jaate hai,

(Kiara man me sochti hai) kitni pyari feeling hoti hai na Apne pasandida vyakti ke sath raat me chand aur sitaare dekhna aur samundar ki gahrai ko mahsoos karna..

Utne me Anshuman kiara ko kahta hai,"Kiara kal me ja raha hu"

Kiara - kaha?

Anshuman - Mera internship ka location Delhi hai.Kal dopahar 3 baje ki flight hai meri.Jane se pahle bas socha tumhe mil lu pata nahi fir kab chutti ke liye yaha par aana hoga.

Kiara - Oh,All the best.

Anshuman - Tumhe taklif nahi hui ye jaanke?

Kiara - Taklif kis baat ki??  (Par man hi man me kiara sochti hai ki taklif to bahot ho rahi he tumhe dur jata dekh par tumhe rokne ka mujhe koi haq nahi hai)

Anshuman - Are tum meri best friend ho aur me tumhara,aur ham dono ab shayad mil nahi payenge tumhe isase taklif nahi ho rahi,mujhe to ye sochke b dar lag rha he,vaha jaunga new office,naye log,naya area kaise manage hoga,upar se kab dost banenge,banenge b ke nahi,akela padne wala hu bahot..

Kiara - You are overthinking,Sab kuch thik ho jayega.Itna mat socho.aur kabhi aisa lage to kabhi bhi call ya video call kar lena.I will there for you always.

Anshuman - Thanks yr,Bas tum hi mujhe samajh sakti ho.

Kiara - 😊😊ab tum bhi ghar jaao aur me bhi chalti hu raat ho gyi hai bahot.

Anshuman - haan,chalo me drop kar deta hu tumhe.

"Kiara ke ghar ke bahar"

Kiara Car se utarti hai,aur anshuman bhi.Kiara use bye kahte hai aur apne ghar ki taraf badhti hai par uski anshuman ko chodke jaane ki himmat hi nahi hoti aage badhane ki,vo fir piche ghumti hai aur anshuman ko jor se gale lagati hai.. Anshuman bhi usko hug karta hai..Aur uske forehead par kiss karta hai.

Kiara - "I am sorry",bus thoda emotional ho gayi thi..

Anshuman - "Me bhi,I will miss you" Me tumhari sath kabhi nahi chodunga,Me tumhare bina nahi rah paunga,Adat si ho gayi hai tumhari,par ab mujhe jaana hoga,Me wapas aaunga jald hi,Apna khayal rakhna,Hum roj call msg ya jab free ho baat karenge, promise karo ki tum mujhe roj apna thoda time dogi"

Kiara - Promise,Aur fir na chahte hue bhi vo vaha se chali jaati hai...

Saturday ko Anshuman Delhi ke liye nikalta hai,Vaha jaake ek din rest karke sari arrangements karke Monday ko uska New office me pahla din hota hai..

Aur yaha Kiara ka bhi Monday ko hi apne internship ka pahla din hota hai..

                                                    To be continued..

Agle episode me aap janenge ki kya Kiara aur Anshuman ek dusre ke karib ayenge ya fir duriya badhati jayegi??

U can guess and write it below in comments section..

Subscribe this blog for more stories,series,tips and trends..

Thanks for reading.